**ഇന്ത്യൻ 2 പരാജയം; കുറ്റപ്പെടുത്തലുകൾ എന്നെ ഏറെ വിഷമിപ്പിച്ചു, പ്രേക്ഷകരോട് മാപ്പ് പറയുന്നു**വൻമുതൽമുടക്കിൽ ഏറെ പ്രതീക്ഷയോടെ തിയേറ്ററുകളിലെത്തിയ ചിത്രം ആയിരുന്നു കമൽ ഹാസനെ നായകനാക്കി ശങ്കർ സംവിധാനം ചെയ്ത ഇന്ത്യൻ 2.

എന്നാൽ തിയേറ്ററുകളിൽ കാലിടറി വീഴാനായിരുന്നു ക്ലാസിക് ചിത്രത്തിന്റെ രണ്ടാം ഭാഗമായി എത്തിയ സിനിമയുടെ വിധി.

തിയേറ്ററുകളിൽ തിരസ്കരിക്കപ്പെട്ടതോടെ ഇന്ത്യൻ 2 ഇപ്പോൾ ഒടിടി റിലീസിനെത്തിയിരിക്കുകയാണ്.

ചിത്രത്തിലെ അഭിനയത്തിന് നടി പ്രിയാഭാവാനി ശങ്കർ സോഷ്യൽ മീഡിയയിൽ വിമർശിക്കപ്പെട്ടിരുന്നു.

ഒരു വിഭാഗം ആളുകൾ ചിത്രത്തിന്റെ പരാജയത്തിന്റെ ഉത്തരവാദിത്തം പ്രിയയ്ക്കാണെന്നു വരെ വിമർശനം ഉയർത്തുകയുണ്ടായി.

ഇത്തരത്തിലുള്ള വിമർശനങ്ങളിൽ സങ്കടമുണ്ടെന്ന് പറഞ്ഞ പ്രിയ, ഇന്ത്യൻ 2-വിന്റെ ഭാഗമായതിൽ അഭിമാനമുണ്ടെന്ന് പറഞ്ഞു.

സിനിമയുടെ പരാജയത്തിൽ ഒരാളെ കുറ്റപ്പെടുത്തുന്നത് ശരിയല്ലെന്നും പ്രിയ കൂട്ടിച്ചേർത്തു.

**ഇന്ത്യൻ 2-വിൽ കരാർ ഒപ്പുവച്ചതുമുതൽ റിലീസ് വരെയുള്ള ഘട്ടത്തിൽ എന്നെ ഒരുപാട് സിനിമകൾ തേടിയെത്തി.

എന്റെ കരിയറിൽ ആദ്യമായാണ് ഇത്രയും വലിയ ഒരു സിനിമയുടെ ഭാഗമാകുന്നത്.

കടൈക്കുട്ടി സിംഗം എന്ന സിനിമ എന്റെ കരിയറിൽ വലിയ ഹിറ്റ് ആയിരുന്നു.

സംവിധായകൻ പാണ്ടിരാജ് സാറിന് നന്ദി പറയുന്നു.

എന്നിരുന്നാലും വലിയ സിനിമകളുടെ ഭാഗമായാൽ മാത്രമേ കൂടുതൽ സിനിമകൾ തേടിയെത്തൂ എന്ന അവസ്ഥ ഇവിടെ ഉണ്ട്.

ഞാൻ പരാതി പറയുകയല്ല.

സിനിമയുടെ വിപണിയാണ് അത് തീരുമാനിക്കുന്നത്.

ഒരു സിനിമ പരാജയമാകുമെന്നോ വിജയമാകുമെന്നോ കരുതിയല്ല നമ്മൾ അതിൽ അഭിനയിക്കുന്നത്.

എല്ലാവരും സിനിമ വിജയമാകാനാണ് കഠിനാധ്വാനം ചെയ്യുന്നത്.

സിനിമ പരാജയപ്പെടുമ്പോൾ ആ വിഷമം എല്ലാവരെയും ബാധിക്കും.

ഇന്ത്യൻ 2 റിലീസായതിനുശേഷം എന്നെ ആളുകൾ കുറ്റപ്പെടുത്താൻ തുടങ്ങി.

അതിൽ വേദനയുണ്ട്.

**